Saturday, February 11, 2012

தெய்வம் தந்த வீடு - அவள் ஒரு தொடர்கதை

பாடல்: தெய்வம் தந்த வீடு
திரைப்படம்: அவள் ஒரு தொடர்கதை
இசை: எம்.எஸ்.விஸ்வநாதன்
பாடியவர்: கே.ஜே.யேசுதாஸ்

தெய்வம் தந்த வீடு...வீதி இருக்கு
தெய்வம் தந்த வீடு வீதி இருக்கு
இந்த ஊரென்ன சொந்த வீடென்ன ஞானப்பெண்ணே
வாழ்வின் பொருள் என்ன நீ வந்த கதை என்ன

நான் கேட்டுத் தாய்தந்தை படைத்தாரா
நான் கேட்டுத் தாய்தந்தை படைத்தாரா
இல்லை என் பிள்ளை எனைக்கேட்டு பிறந்தானா
தெய்வம் செய்த பாவம் இது போடி தங்கச்சி
கொன்றால் பாவம் தின்றால் போச்சு இதுதான் என் கட்சி
ஆதி வீடு...அந்தம் காடு
இதில் நான் என்ன அடியே நீ என்ன ஞானப்பெண்ணே
வாழ்வின் பொருள் என்ன நீ வந்த கதை என்ன

வெறும் கோயில் இதில் என்ன அபிஷேகம்
உன் மனம் எங்கும் தெருக்கூத்து பகல் வேஷம்
கள்ளிக்கென்ன முள்ளில் வேலி போடி தங்கச்சி
காட்டுக்கேது தோட்டக்காரன் இதுதான் என் கட்சி
கொண்டதென்ன...கொடுப்பதென்ன
இதில் தாய் என்ன மணந்த தாரம் என்ன ஞானப்பெண்ணே
வாழ்வின் பொருள் என்ன நீ வந்த கதை என்ன

தெளிவாகத் தெரிந்தாலே சித்தாந்தம்
அது தெரியாமல் போனாலே வேதாந்தம்
மண்ணைத்தோண்டி தண்ணீர் தேடும் அன்புத்தங்கச்சி
என்னைத்தோண்டி ஞானம் கண்டேன் இதுதான் என் கட்சி
உண்மை என்ன...பொய்மை என்ன
இதில் தேன் என்ன கடிக்கும் தேள் என்ன ஞானப்பெண்ணே
வாழ்வின் பொருள் என்ன நீ வந்த கதை என்ன

தெய்வம் தந்த வீடு வீதி இருக்கு
தெய்வம் தந்த வீடு வீதி இருக்கு

No comments: